पुणे महानगरपालिकेकडून कात्रज मंडई मधील अतिक्रमण हटाव मोहिमेला सुरुवात

      कात्रज (जमीर शेख) : कात्रज येथील मंडईतील अतिक्रमणे हटवण्यासाठी पुणे महानगरपालिकेने टोकाचे निर्णय घेतले असून येथील अतिक्रमणे हटवण्याच्या कामास जोर आलेला आहे.

      येथील भाजी मंडई आणि परिसरातील अतिक्रमणे हटवण्याच्या कामाला पुणे महानगरपालिकेने जोर लावला असून छोट्या-मोठ्या धंदेवायकांच्या पोटावर पाय देण्याचे काम चालू असल्याचे येथील व्यापाऱ्याकडून म्हटले जात आहे.

      मंडईतील आणि शेजारील रस्त्याच्या दोन्ही बाजूला रस्त्यावर बसून छोटे-मोठे भाजीपाल्याचे धंदा करणाऱ्या व्यापाऱ्यापासून ते अतिक्रमण केलेल्या दुकानदारांना कार्पोरेशन कडून हकालपट्टी करण्यात आलेली आहे.

      अतिक्रमणे हटवण्यासाठी या अगोदर अतिक्रमणधारकांना सूचना दिल्या असून सुद्धा त्यांनी त्याचे पालन न केल्याने वेळेअभावी अतिक्रमणे हटवण्याच्या कामाला पुणे महानगरपालिकेने जोर लावला आहे.