पिस्तूल बाळगणाऱ्या इसमास आंबेगाव पोलिसांकडून अटक

     आंबेगाव/पुणे : पिस्तूल बाळगणाऱ्या इसमास आंबेगाव पोलिसांकडून अटक करण्यात आले असून पुढील तपास मा. पोलीस आयुक्त यांच्या मार्गदर्शनाखाली आंबेगाव पोलीस स्टेशनचे अधिकारी करत आहेत.

     पोलिसांकडून मिळालेली माहिती अशी मा. पोलीस आयुक्त पुणे शहर यांनी पुणे शहरातील गुन्हेगारीला आळा घालण्यासाठी कोबिंग ऑपरेशन व गुन्हे प्रतिबंधकचे अनुषंगाने गस्त करणे बाबत आदेशित केले होते, त्या अनुषंगाने आंबेगाव पोलीस स्टेशनचे हद्दीत मा. वरिष्ठ पोलीस निरीक्षक श्री शरद झिने यांचे मार्गदर्शनाखाली पोलीस अधिकारी प्रियंका गोरे हे तपास पथकासह दत्तनगर परिसरात गस्त करीत असताना पोलीस अंमलदार धनाजी धोत्रे व निलेश जमदाडे यांना खास बातमीदार मार्फत माहिती मिळाली की, “आई श्री व्हिला अपार्टमेंटचे बाजूला एका गाईच्या गोठ्यामध्ये एक इसम अंगात काळ्या रंगाचा गोल गळ्याचा हाफ टी-शर्ट व काळी ट्रॅक पॅन्ट अंगाने मजबूत असलेल्या इसमाकडे फिस्तल आहे.

     वरील बातमीप्रमाणे माहिती मिळताच सदर ठिकाणी सापळा रचण्यात आला. काही वेळातच सदर ठिकाणी एक इसम मिळून आला असता त्यास ताब्यात घेण्यात आले. ताबात घेतलेल्या इसमाचे नाव आर्यन बापू बेलदरे, वय 19 वर्षे, काम शिक्षण, रा. आई श्री व्हिला अपार्टमेंट, फ्लॅट नंबर ३०४, तिसरा मजला, स्मशानभूमी समोर, आंबेगाव बुद्रुक, पुणे असे आहे.

     सदर इसमाचे ताब्यात एकूण 40,100 किमतीचा एक पिस्तल व एक जिवंत राऊंड्सह अनाधिकाराने बेकायदेशीरित्या गुन्हा करण्याचे उद्देशाने विक्री करीता बाळगल्याने मिळून आले आहे म्हणून त्यांचे विरुद्ध भारती विद्यापीठ पोलीस स्टेशन गुन्हा रजिस्टर नंबर 1057/2024 भारतीय हत्याराचा अधिनियम कलम 3 सह 25, महाराष्ट्र पोलीस अधिनियम कलम 37 (1) सह 135 अन्वये, गुन्हा दाखल केला असून त्यामध्ये वर नमूद इसमास अटक केली आहे.

     सदरची कामगिरी मा. अमितेश कुमार, पोलीस आयुक्त पुणे शहर, मा. रंजन कुमार शर्मा, पोलीस सह आयुक्त पुणे शहर, मा.  प्रवीण कुमार पाटील, अप्पर पोलीस आयुक्त, पश्चिम प्रादेशिक विभाग पुणे शहर, मा. श्रीमती स्मार्तना पाटील, पोलीस उपायुक्त परिमंडल 2, पुणे शहर,  मा. राहुल आवारे, सहायक पोलीस आयुक्त स्वारगेट विभाग पुणे, यांचे मार्गदर्शनाखाली आंबेगाव पोलीस स्टेशनकडील वरिष्ठ पोलीस निरीक्षक श्री शरद झिने, प्रियंका गोरे सपोनी, पोलीस आमदार शैलेंद्र साठे, हनुमंत मासाळ, निलेश जमदाडे, धनाजी धोत्रे, प्रमोद भोसले, योगेश जगदाळे, विनायक पाडळे यांचे पथकाने केली.